BR LA UNION – Napawilan a sumrek idiay mainland China, Hong Kong, ken Macau ni Philippine Defense Secretary Gilberto ”Gibo” Teodoro Jr., agraman asawa ken anak na.
Napawilan pay a mangisayangkat ti anyaman a transaksyon kadagiti kumpanya idiay China.
Naipatungpal ti addang gapu iti maipagarop a biddut a waragawag tio sekretaryo kontra kadakuada, a segun iti Beijing, daytoy ti mangdadael iti relasyon ti dua a pagilian ken iti bukod dagitoy nga interes.
Saan metten nga imbaga ti China nu anya iti inwaragawag ti sekretaryo.
Agingga ita a gundaway, awan pay ti inruar a waragawag ti Defense chief maipapan iti sanction nga inted ti China. Ngem immuna nga imbaga ni Teodoro nga awan ti planona nga agturong iti nasao a pagilian.
Maipalagip nga agtultuloy ti tension iti nagbaetan ti Pilipinas ken China seknan iti pagsupsupyatan a kabaybayan, agsipudta tag-tagikuaen ti China iti sibubukel a teritoryo ti rehiyon.
