Nangidanon ti panagkablaaw iti Estados Unidos iti panagrambak ti maika-128 nga Aldaw ti Panagwaywayas ti Pilipinas ken impaganetget iti 80 tawen a natibker a diplomatiko a relasion ti dua a pagilian.
Iti mensahe ni US Secretary of State Marco Rubio, pinasingkedan manen ti America iti panagkumit iti mutual defense agreement kagiddan ti maika-75 nga anibersario ti 1951 Mutual Defense Treaty.
Inyebkas met ti Estados Unidos ti suporta daytoy iti Pilipinas kas chair ti ASEAN ken iti pannakataginayon ti nawaya ken silulukat nga Indo-Pacific Region.
Dinakamat met ni US Secretary of State Marco Rubio iti pannakapauneg ti economic cooperation babaen ti Luzon Economic Corridor ken pannakapadur-as ti kritikal a mineral supply chain.
Mangnamnama ti Estados Unidos nga ad-adda a mapatibker ti pannakitinnulong daytoy iti Pilipinas para iti kappia, seguridad, ken kinarang-ay kadagiti sumaruno a tawen.###
