Nainget iti panangmonitor ti Senado iti reconstruction iti paset ti Mindanao a nadayyeg ti napigsa a ginggined.
Impasigurado ni Acting Senate President ken Senate President pro-tempore Win Gatchalian a mausar ti available funds para iti pannakaibangon dagiti nadadael nga imprastruktura kadagiti sumagmamano a probinsia ti Mindanao a dinadael ti ginggined.
Karaman ditoy ti pannakaibangon wenno pannakatarimaan dagiti rangtay, kalsada, pagadalan, merkado ken dadduma pay a pampubliko nga imprastruktura.
Impasigurado met ni Gatchalian a makailatang ti pondo para iti panagtultuloy ti reconstruction babaen ti 2027 national budget.
Maysa kadagiti banag a kitaen ti Senado ket ti pannakarepaso ti National Building Code tapno ad-adda a masigurado ti integridad ken kinatibker dagiti public infrastructure.###
