Saan a natignay ni Defence Secretary Gilbert Teodoro Jr. iti sansion nga impabaklay ti China kenkuana ken iti pamiliana.
Naammuan nga inwaragawag ti Foreign Ministry Spokesperson ti China iti pannakaipakat ti sanction kontra kenni Teodoro ken ti pamiliana gapu iti maulit-ulit nga iresponsable a waragawag na iti China nga ibilang da a makapadakes iti relasion ti Pilipinas ken ti pagilian.
Babaen ti nasao a sanction, inkeddeng ti China nag i-ban ni Teodoro ken ti pamiliana a sumrek iti Chinese mainland, Hong Kong ken Macao, kasta met a maiparit kenkuana ken ti pamiliana a mangisayangkat iti aniaman a transaction wenno aktibidad.
Iti inruarna nga statement, kinunana a karbengan ti China ti mangisayangkat ti nadakamat nga addang kontra kenkuana.
Innayon na pay a gagangay iti China ti panangpuntiria kadagiti agsasao iti kinapudno maipapan iti panangallilawda no sadino a nakarkaro ti sagrapen ti dadduma nga umili ti China ken dadduma pay a lugar.
Tinakderan met ni Teodoro nga ituloy na iti pagrebbengan daytoy a mangsalaknib iti pagilian ken ti masakupan a kabayabayan.###
