Ipadpadaras ti Commission on Higher Education (CHED) Region 12 iti panangipaay ti financial assistance kadagiti estudyante nga apektado ti magnitude 7.8 a ginggined.
Karaman kadagiti mabenepisiaran iti Tertiary Education Subsidy (TES) ket dagiti estudyante idiay Tacurong City, Koronadal City, ken iti ili ti Polomolok.
Dumanon ti 786 student beneficiaries manipud St. Alexius College, Inc., Marvelous College of Technology, Inc., Marbel School of Science and Technology, Goldenstate College of Koronadal City, Inc., STI College–Koronadal City, Inc., Notre Dame of Tacurong College, VMC Asian Colleges Foundation, Inc., ken General Santos Academy, Inc iti makagun-od ti pinansial nga ayuda iti sidong ti Universal Access to Quality Tertiary Education Act (RA 10931).
Agtultuloy iti inspeksion ti CHED kadagiti structural damage iti Mindanao State University – General Santos (MSU-Gensan) tapno agbalin a basaran iti maipaay a technical assistance and recovery deployment.###
