Target ti Department of Agriculture nga aramiden a kangrunaan a sentro ti panagrang-ay ti panagkalap ken agrikultura idiay Mapanas, Eastern Samar kas paset iti panangpapigsa ti food security idiay Eastern Visayas.
Segun kenni Agriculture Secretary Francisco P. Tiu Laurel Jr., napateg iti Mapanas ken dadduma pay a paset ti Northern Samar gapu kadagiti gameng ti baybay ken agricultural lands a makatulong iti produksion ti taraon ken pagbyagan ti komunidad.
Nangipaay iti ahensia ti ₱4.7 million a gatad ti tulong pang-agrikultura ken nangipaay ti pinansyal a tulong kadagiti nasurok 2,000 a benepisyario iti sidong ti Presidential Assistance to Farmers and Fisherfolks.
Nangitukon met iti DA ti ₱293 million crop ken fishery insurance coverage manipud ti Philippine Crop Insurance Corp. tapno masalakniban dagiti mannalon ken mangngalap kontra kadagiti didigra ken epekto ti dakes a panawen.###
