Pinagmulta ti Department of Labor and Employment (DOLE) ti nasurok ₱11 milyon ni Ernest Jackson Lim, iti makinkukua iti narpuog a 9-storey under-construction building idiay Brgy. Balibago, Angeles City, Pampanga ken ti Golden Years Construction and Steel Works Corporation gapu iti nadumaduma a panaglabsing a natakuatan iti fact-finding investigation.
Karaman kadagiti panaglabsing iti saan a panagbayad ti sueldo kabayatan ti work stoppage order, kurang a pasueldo, saan a nabayadan a rest day premium, ken holiday pay para kadagiti 57 construction workers nga aggatad ti ₱102,798.50.
Malaksid ditoy, naipataw met ti ₱10.324 million a multa maitunos iti Department Order No. 252, Series of 2025.
Segun kenni DOLE Acting Secretary Francis Tolentino, adda ti 10 nga aldaw dagiti respondent tapno bayadan iti multa, ken no saan ket mangisayangkat iti ahensia dagiti legal nga addang tapno maipatungpal iti pammilin.
Ti imbestigasion ket mainaig ti pannakarpuog ti pasdek iti alas-dos ti parbangon idi Mayo 24 a nakatayan dagiti 30 nga indibidual.###
