Nag-concede ken inawaten ni Senador Alan Peter Cayetano a saan nga isunan iti Senate President kalpasan nga immalis ni Senador Joel Villanueva iti baro a mayorya ti Senado.
Manamnama a mangipaay daytoy ti umdas a bilang tapno madutokan ti baro a lider iti Upper House.
Iti maysa a waragawag idi bigat ti Miyerkules, Hunyo 17, pinasingkedan ni Cayetano iti panag-concede na kalpasan a nagsarita da ni Villanueva, ken inwaragawag a saan da daytoy a lapdan.
Kenunana, saan a permanente iti liderato iti maysa a demokrasya, daytoy ket bulod laeng ken saan a kukua.
Indanon na met iti kablaaw na ken kooperasion iti sinoman a lehitimo a mapili. Inpagenetget met ni Cayetano a maysa a dakkel a pammadayaw iti biag na iti agserbi kas Senate President.
“Offices are temporary, titles are temporary, even majorities are temporary — but your right to the truth is not. I promise you, we will get to the bottom of this. We will find the masterminds. We will hold them accountable,” innayon pay ti senador.
Iti laksid ti panagbaba iti puesto, nagkari ni Cayetano nga ituloy na nga ilaban iti kinapudno aniaman iti posisyon wenno titulo.
“I may leave the position of SP, but I am honored to still be your PS — your Public Servant.”
