Mangnamnama iti Department of Energy (DOE) nga agtultuloy iti panagbaba ti presio ti langis kasaruno ti peace deal iti nagbaetan ti United States ken Iran a manamnama a mapermaan ita a lawas.
Segun kenni Energy Secretary Sharon Garin, namnamaen da a maiselyo iti katulagan inton Biyernes.
Inbaga met ni Sandy Sales a bimmaban iti presio ti langis iti lebel nga P80 tunggal litro manipud iti nasurok P120 gapu iti positibo a panagkita ti sangalubongan a merkado iti peace deal.
Nupay kasta, mabalin pay a danonen ti innem a bulan aginggana maysa tawen iti kanayunan a panagbaba ti presio gapu iti perdision nga ingubuay ti gubat kadagiti oil storage ken production facility idiay Middle East.###
