Ginibusan ti Barangay Ginebra San Miguel ti tallo tawen a panaguray iti kampeonato kalpasan nga abaken da iti TNT Tropang 5G, babaen ti iskor nga 88-76, iti Game 7 ti 50th Season Commissioner’s Cup Finals.
Daytoy iti umuna a titulo da sipud idi 2023-2023 Commissioner’s Cup ken maika 16 a kampeonato ti koponan bayat a pang 26 met para kenni Tim Cone kas head coach.
Kabayatanna, nakailista ti attendance record iti Game 7 kalpasan a binuya daytoy dagiti 24,617 a fans.
Indauluan ni Justin Brownlee iti pannangabak iti 30 puntos, bayat a ni Scottie Thompson ket napili kas Finals Most Valuable Player kalpasan a makailista ti 19 a puntos, 11 rebounds, ken walo nga assists.###
