Nakipamaysa iti La Union National High School (LUNHS) iti Nationwide Simultaneous Earthquake Drill ita nga aldaw, Hunio 18, 2026.
Segun kenni Allyssa Jane Bondoc, estudiante ti nakuna a pagadalan ken maysa a Red Cross Youth Council Officer, napateg iti panangisayangkat ti earthquake drill tapno maisagana dagiti tattao, lalo dagiti estudiante, gapu ta adu dagiti gingined a mapaspaamak iti Pilipinas.
Kinuna ni Bondoc nga iti kangrunaan a masapul nga aramiden no adda gingined ket saan nga agnerbios. Masapul nga ag-relax laeng ken suroten iti umno a proseso a “Duck, Cover, and Hold” tapno maliklikan iti pannakadangran.
Pinalagipan na pay dagiti estudiante a sumurot ken ken makikooperar kadagiti classroom officers iti oras ti emerhensia. Napateg, kunana, nga iprayoridad ti tunggal maysa iti kinatalged ti amin ken makitinnulong iti panawen ti gingined.
Impaganetget ni Bondoc a masapul nga agtalinaed a nakaantabay kadagiti anunsio dagiti otoridad ken kanayon a nakasagana iti aniaman a sitwasion a mabalin a mapasamak. Ania man iti mapasamak, iti panagsagana ket maysa kadagiti kangrunaan a wagas tapno masiguro iti kinasalun-at ken kinatalged ti tunggal maysa. (Bombo Jordan Colcol)
