BR LA UNION – Inlawlawag ni Senate President Sherwin “Win” Gatchalian a sakop ti 90-nga-aldaw a suspensyon ni Senador Jinggoy Estrada ti amin a pagrebbengan na kas mammanday linteg, kabilang ti panagserbi a senator-judge iti impeachment trial ni Vice President Sara Duterte.
Segun kenni Gatchalian, nu suspendido ti maysa a senador, temporaryo a maikkat amin a bilegna ken responsibilidad idiay Senado.
Kayatna sawen, saan a mabalin ni Estrada a makipaset iti anyaman a proseso ti impeachment kas ukom ti Senado.
Impalagip met ti Senate President a saanen a baro iti nasao a sitwasyon, agsipudta addan dagiti immuna a kaso ti suspensyon dagiti senador iti napalabas a tawen.
Maipalagip nga idi Hunyo 16, nangiruar ti Sandiganbayan ti preventive suspension kontra kenni Estrada seknan iti kaso na a graft ken plunder, nga adda pakainaiganna iti anomalya dagiti flood control projects.
Maibasar iti linteg partikular iti Anti-Graft and Corrupt Practices Act, kasapolan a temporaryo nga ikkaten iti pwesto ti maysa nga opisyal bayat a maus-usig ti kaso a graft.
