Naminsan manen a pinaneknekan ni Filipina Tennis star Alex Eala iti kinalaing daytoy kalpasan a naparmekna ni World No. 2 Elena Rybakina, 7-5, 6-4, iti Berlin Open ita a Biernes (aldaw ditoy Pilipinas).
Ti laban iti WTA 500 tournament, nakurangan ni Eala iti umuna a set ken naudi pay iti 1-4 kontra kenni Rybakina, a nalatak dagiti napipigsa a serve na. Ngem saan a nagpaabak babaen ti nagsasaruno nga ay-ayam tapno maagaw iti umuna a set, 7-5.
Iti maikadua a set, nangabak manen ni Eala, 4-2, sakbay nga immasideg ni Rybakina. Nupay kasta, nagtalinaed a napigsa daytoy ken pinalpas iti laban iti 6-4 kalpasan ti maysa nga oras ken 32 a minuto.
Iti daytoy a panagballigi, immabante ni Eala iti quarterfinals ti torneo ken sangwen na ni Elina Svitolina.###
