Mangiyuswat ti White Ribbon March wenno tignay-protesta dagiti nagduduma a grupo idiay EDSA People Power Monument, mangrugi iti alas-dose tengnga’t aldaw inton Hunyo 28.
Panggep daitoy a gibusenen ti korapsyon babaen iti panangdusa kadagiti korap, panangitandudo iti natibtibker nga anti-political dynasty bill, kasta met iti panawagan para iti nainkalintegan nga eleksyon.
Mailungalong pay iti protesta ti panagkaykaysa kasta met a mangngegan ti tunggal arungaing dagiti umili kontra gobierno.
Manmanama a makipaset ti nasurok-kumurang 10K a tattao manipud kadagiti 50 a religious ken civil society groups, pakairamananen ti Philippine Council of Evangelical Churches, United Church of Christ in the Philippines, Catholic Bishops’ Conference of the Philippines, grupo a TAMA NA, ken dadduma pay.
