Ikonkonektar dagiti opisial ti salun-at iti panagado ti kaso ti HIV idiay siyudad ti Baguio iti panagsaknap ti panagusar kadagiti online dating applications.
Segun iti City Health Services Office, dumanonen ti 800 iti nairekord a kaso ti HIV ken 70% kadagitoy ket residente ti Baguio.
Agarup 94% kadagiti kaso ket lallaki, idinto nga iti kangatuan a bilang ti impeksion ket manipud kadagiti agtawen ti 25 agingga 34.
Kenuna ti Department of Health-Cordillera a nupay saan a direkta a pakaigapuan ti HIV dagiti dating apps, nalaklaka iti pannakilangen kadagiti potensial a seksual a kapareha, a mabalin a pakaigapuan ti dakdakkel a peggad ti impeksion no saan a suruten iti natalged a pannakinaig.
Iti agdama, nasurok a kagudua wenno 56.3% kadagiti amin a kaso ti HIV idiay Cordillera ket manipud Baguio City.
Nagpanawagan dagiti health officials iti nalawlawa nga HIV testing, panagusar kadagiti self-testing kits, ken naingetnga information campaign tapno malapdan iti panagwaras ti sakit.###
