Personal a nakitaripnong ni DepEd Secretary Sonny Angara kadagiti mannursuro ken personnel ti San Jose National High School idiay Tacloban City tapno kumustaen iti kasasaadda kalpasan ti insidente iti nasao a pagadalan.
Kabayatan ti panagbisita ni Angara, impanamnamana iti dagus a pannakaipaay ti psychosocial support para kadagiti mannursuro ken staff a naapektaran iti insidente.
Inpakaammona pay ti pannakadutok dagiti guidance counselor a tumulong kadagiti estudiante a mangproseso ken mabaelan iti emosional nga epekto ti insidente.
Segun iti sekretario, napateg a siguraduen iti kinatalged ken pagimbagan dagiti mannursuro, staff, ken estudiante bayat nga agtultuloy iti panagbangon ti komunidad ti pagadalan manipud iti trahedia.###
