Nagangon iti historiko a kayo a nabayagen a nainaig iti sarita ni Robin Hood kalpasan ti nasurok maysa a milenio a panagtalinaed iti Sherwood Forest idiay England.
Pinasingkedan ti Royal Society for the Protection of Birds (RSPB) a nagangon iti Major Oak kalpasan a saan a nagrusing dagiti baro a bulong na.
Napattapatta nga agtawen ti kayo iti 800 agingga iti 1,200 ken maysa kadagiti kadakkelan nga oak tree idiay Britania.
Segun kadagiti eksperto, ti agtultuloy a panagsiksik ti daga iti aglawlaw dagiti ramut, agraman ti agsasaruno a napudot a kalgaw, ken tikag, iti nakaigapuan ti in-inut a panagbaba daytoy.
Laksid ti pannakagango daytoy, agtalinaed a nakatakder ti Major Oak kas natural a monumento ken agtultuloy a paset ti ecosystem ti Sherwood Forest.
Nupay nabayagen a nainaig ti kayo iti pakaistoryaan ni Robin Hood, inlawlawag dagiti historiador nga awan ti direkta nga ebidensia kadagiti nagkauna nga istoria ti medieval a daytoy ti naglemmengan ti bannuar nga agtatakaw. Nupay kasta, agtaltalinaed daytoy a maysa kadagiti nalatak a simbolo ti Sherwood Forest ken ti sarita ni Robin Hood.
Immuna met a napaado iti puli ti Major Oak babaen kadagiti semilia a nagtaud kadagiti bunga ken sanga, a naimula iti nadumaduma a paset ti lubong tapno mataginayon ti tawid ti nalatak a kayo.###
