Kinuestion ti House prosecution panel ti pabaliwbaliw a takder ti kampo ni Bise Presidente Sara Duterte kalpasan nga immanamongda a maluktan ti naselioan a kahon dagiti dokumento manipud iti Bureau of Internal Revenue (BIR) para iti impeachment trial.
Segun kenni House trial spokesperson Zia Alonto Adiong, nakaskasdaaw ti kastoy nga addang gapu ta immuna a kinontra daytoy ti depensa iti pre-trial proceedings.
Kinunana a ti kabaruan a kiddaw a mangisayangkat ti naisina nga executive session para iti pannakalukat ken pannakamarka dagiti dokumento ket mabalin laeng a pakaigapuan ti sabali pay a pannakataktak iti proseso.
Inlawlawag ni Adiong a ti pannakalukat ken pannakamarka dagiti dokumento ket saan nga automatiko a kayatna a sawen a maawat dagitoy kas ebidensia.
Ti Senate impeachment court iti agdesision ti admissibility dagitoy para iti panagusig.###
