Nakatuding a sumarungkar ni Presidente Ferdinand Marcos Jr. idiay Canada manipud Hulio 1 agingga Hulio 4 tapno mapalawa iti kooperasion ti Pilipinas ken Canada iti benneg ti depensa, seguridad, komersio, panagpuonan, ken enerhia.
Makitaripnong ti Presidente kenni Canadian Prime Minister Mark Carney, kasta met dagiti negosiante, investors, ken dagiti miembro ti komunidad dagiti Pilipino idiay Vancouver.
Paset met iti biyahe ni First Lady Liza Araneta-Marcos ken sumagmamano a kameng ti Gabinete.
Panggep ti panagbisita nga ad-adda a papigsaen iti relasion ti ekonomia ken estratehiko a kooperasion dagiti dua a pagilian.###
