Nabigbig ti Barangay Mabanengbeng 1st kas kaunaan a barangay idiay Bacnotan a nakapasa iti G2 Basic Sanitation Certification ng Department of Health (DOH), iti panangidaulo ni PB Marilou Almojuela.
Ti G2 Basic Sanitation Validation ket rukudan iti panangsurot dagiti barangay kadagiti alagaden iti kinadalos, sanitisasion, salun-at ti publiko, ken panangaywan iti aglawlaw tapno makatulong iti panangliklik iti panagwaras ti sakin ken panangpatalinaed iti nadalos a komunidad.
Immunan a nangisayangkat ti validation kagiti amin a 47 barangay ti Bacnotan tapno mapangato iti lebel ti sanitasion iti ili.
Al-allukuyen ti lokal a gobierno dagiti residente a makipamaysa iti pananggun-od ti nasao a sertipikasion babaen ti panangpatalinaed ti kinadalos iti pagtaengan ken aglawlaw, umno a panangibilleng ti basura, panagusar ti nalinis a banyo, panangikkat dagiti mabalin a pagitlogan ti lamo, ken responsable a panagtaraken ti dingwen. Makatulong dagitoy nga addang iti panangliklik kadagiti sakit kas iti diarrhea, leptospirosis, dengue, ken dadduma pay nga impeksion.
Agtultuloy met nga itantandudo ti Lokal a Gobierno ti Bacnotan, iti panangidaulo da Mayor Divine Fontanilla ken Vice Mayor Francis Fontanilla, dagiti programa mangitantandudo ti kinadalos, salun-at, ken naurnos nga aglawlaw iti ili.###
