Nangibinglay ti mensahe iti social media iti aktres ken Quezon City Councilor a ni Aiko Melendez nga agpanpanawagan a saan nga aramiden nga ang-angaw iti pisikal a langa ti maysa a tao.
Segun kenni Aiko, nadumaduma iti panagkita ti tunggal maysa iti kinapintas ken ad-adda a napatpateg iti addaan ti nasayaat a puso maiyarig iti panruar a langa.
Nupay awan ti dinakamat na a partikular a personalidad, inkonektar ti sumagmamano a netizen iti post-na iti isyu a pakairamramanan ni Kim Chiu mainaig ti nagbalin nga angaw daytoy iti maysa a segment ti programa.
Iti agdama, awan pay ti waragawag ni Kim Chiu ken Ryzza Mae Dizon maipapan iti nasao nga isyu.###
