Binisita ni Bise Presidente Sara Duterte ti Archdiocesan Shrine of St. Vincent Ferrer idiay Bogo City, Cebu, iti bisperas ti naituding a panangrugi ti impeachment trial-na inton bigat, Hulio 6.
Kadagiti retrato a naibinglay iti social media-na, makita a nangsindi iti kandela ken inkararagna ti talna ti pagilian ken ti kinatalged dagiti Pilipino iti uneg ken ruar ti Pilipinas.
Inkararagna pay ti agtultuloy a panagbangon ti Bogo City kalpasan ti napigsa a ginggined idi nabiit. Nadadael ti paset ti simbaan isu a temporario a naangay ti misa iti maysa a pasdek iti uneg ti compound.
Nagpanawagan pay ti Bise Presidente ti panagkaykaysa, kinatalged, ken agtultuloy a panagayat iti pagilian.###
