Naiaktibo iti maysa nga Special Task Group kagiddan ti panangrugi ti impeachment trial ni Bise Presidente Sara Duterte iti Senado ita nga aldaw ti Lunes, Hulio 6.
Nabili iti task group a mangimaton kadagiti operasion ti polisia sakbay, bayat ken kalpasan ti impeachment proceedings.
Epektibo idi malem kalman, naikabil iti full alery status iti National Capital Region Police Office (NCRPO), segun ken ni NCRPO spokesperson Major Hazel Asilo.
Nangiwaras ti Philippine National Police ti 3,250 a police personnel iti Senado ken kangrunaan a lugar iti aglawlaw daytoy, idinto a 2,900 a Civil Disturbance Management personnel iti nakasagana para iti dagus nga augmentation no kasapulan.
Naitudingda iti amianan, sango ken abagatan ti J.W. Diokno Boulevard tapno mataginayon ti urnos, matulongan dagiti motorista ken magmagna, ken masigurado ti agtultuloy a panagayus ti lehitimo nga aktibidad.
Nag-install met iti kapulisan ti kanayunan a CCTV cameras kadagiti estratehiko a lugar.###
