Indeklara ni U.S. President Donald Trump a nagpatinggan ti ceasefire agreement iti nagbaetan ti Estados Unidos ken Iran kalpasan ti kabaruan a panagsinnukat ti panagatake iti napalabas a nagpatnag.
Bayat ti panagdar-ay na iti NATO Summit, kenuna ni Trump a nangiyusuat iti Estados Unidos kadagiti nakaro a panagraut kontra iti Iran ken nagpakdaar a mabalin a maulit manen daytoy.
Inakusaranna pay iti gobierno ti Iran nga agul-ulbod ken inawagan nga “scum” kalpasan ti maipagarup a panaglabsing iti memorandum of understanding (MoU) a pinirmaan ti dua a pagilian idi Hunio 17, 2026.
Segun kenni Trump, awan ti interesna a mangituloy iti saritaan iti Iran ken saanen nga agtalek kadagiti opisialda.
Kenuna met ti Iranian Foreign Minister a ni Abbas Araghchi, a sumungbatda iti Estados Unidos saan laeng a babaen kadagiti pangta no di ket babaen kadagiti nakarkaro nga addang.
Kabayatanna, impakat manen ti Estados Unidos dagiti sanctions iti Iran kalpasan a naibabawi iti temporary suspension kasaruno ti ceasefire deal.
Gapu iti kabaruan a tension, ngimmato manen iti presio ti lana iti internasional a merkado gapu iti panagbuteng iti posible a panagkaro ti tension idiay Middle East.###
