Inbaba ti gobierno iti target a panagkolekta ti buis ita a tawen P4.44 trillion manipud iti sigud a P4.5 trillion.
Apagapaman met a naibaba iti target ti Bureau of Internal Revenue (BIR), idinto a naingato iti koleksion ti Bureau of Customs (BOC).
Segun iti Development Budget Coordination Committee (DBCC), naaramid ti panagbalbaliw tapno maitunos iti agdama a kasasaad ti ekonomia iti uneg ken ruar ti pagilian.
Mabalin met a masuspende manen ti excise tax iti dadduma a produkto ti petroleo no ngumato manen ti presio ti lana iti sangalubongan a merkado.###
