Manamnama a naparpartak iti impeachment trial ni Bise Presidente Sara Duterte kadagiti sumaruno a lawas, segun kenni Senate Impeachment Court Presiding Officer Francis “Chiz” Escudero.
Inlawlawag ni Escudero a normal iti panangrugi ti panagusig gapu ta makibagay pay laeng dagiti abogado ti prosekusion ken depensa, kasta met dagiti senador-judges iti proseso.
Nagkiddaw met isuna ti pannakaawat iti publiko ken kinunana a nupay agregget a mapapartak iti panagdengeg, masapul latta a masurot dagiti naituding a proseso.###
