Nagsinnukat ti statement iti social media idi Biyernes, Hulio 17, da Philippine Coast Guard (PCG) spokesperson for the West Philippine Sea Rear Admiral Jay Tarriela ken Senador Robin Padilla kasaruno iti kontrobersiyal nga AI-generated video ti state-run Chinese media outlet a China Daily, a mangiladladawan kadagiti Pilipino kas bakes.
Iti nasao a video ket nainget a kinondenar ti Department of Foreign Affairs (DFA), a nangipila met ti diplomatiko a protesta ken kiniddaw ti dagos a pannakaikkat daytoy gapu iti panagbalin a racist, demeaning, ken dehumanizing.
Sakbay na ket kinarit ni Tarriela da Padilla ken Senador Alan Peter Cayetano nga allukuyen ti China nga agkiddaw ti public apology kadagiti Pilipino, kas iti nagbalin a panawagan idi dagiti senador nga agkiddaw isuna ti pammakawan mainaig iti panagusar ti caricature ni Chinese President Xi Jinping.
Iti maysa a Facebook post, kenuna ni Padilla a ni Tarriela iti maiparup a nangrugi ti tension babaen ti kunana a “wartime propaganda.” Inpaganetget met ti senador a saan a rumbeng nga tallikudan dagiti Pilipino iti Asyano ken Austronesian a nagtaudan da, kagiddan ti waragawag nga iti panagkita dagiti puraw a mannakop kadagiti Asyano ket agpapada a bakes ngem nagduduma laeng ti kulay na.
Iti X account, nainget a pinaglibakan ni Tarriela iti akusasion. Kenunana, iti transparency initiative ti Philippine Coast Guard ket saan a propaganda no di ket wagas tapno idokumento ken ibutaktak dagiti insidente ti panangharass ken agresion ti China kontra kadagiti manggalap a Pilipino ken kadagiti barko ti Philippine Coast Guard (PCG) ken Bureau of Fisheries and Aquatic Resources (BFAR).
Innayon na pay a saan a maawat iti panangibilang kadagiti Pilipino kas bakes ken kas Pilipino ket saan na nga awaten iti kaanuman iti kastoy a klase ti panangirurumen.###
