Epektibo ita nga aldaw, Hulio 21 iti panagngato ti presio dagiti produkto a petrolio kalpasan nga inwaragawag dagiti kompania ti lana iti kabaruan a price adjustments ita a lawas gapu ti panangato manen ti tension iti nagbaetan ti Estados Unidos ken Iran idiay Middle East.

Segun ti Department of Energy (DOE), ti maximum a mapalubusan a price adjustments a maipatungpal ita nga aldaw ket dagiti sumaganad:

Gasolina – agingga ₱3.65 kada litro
Diesel – agingga ₱10.68 kada litro
Kerosene – agingga ₱11.77 kada litro

Nagduduma iti aktual a naipatungpal a kanayunan a presio depende kadagiti kompania ti langis.

Inpadamag ti Pilipinas Shell Petroleum Corp. ken Seaoil Philippines Corp. nga ipatungpal da iti panagngato ti presio iti nagsisina nga aldaw.

Ita nga aldaw, Hulio 21 (Martes):

Gasolina – +₱3.60 kada litro
Diesel – +₱8.20 kada litro
Kerosene – +₱8.10 kada litro

Inton Hulio 22 (Mierkules):

Saan a ngumina iti gasolina
Diesel – +₱1.20 kada litro
Kerosene – +₱2.30 kada litro

Inton Hulio 23 (Huwebes):

Saan a ngumina ti gasolina
Diesel – +₱1.20 kada litro
Kerosene – +₱1.20 kada litro

Immunan a nagpakdaar dagiti source iti industria ti langis a manamnama iti kabaruan a panagngato ti presio ti petrolio gapu iti panagngato manen ti tension idiay Middle East, a nangiduron iti panagngina ti presio ti langis iti sangalubongan a merkado.

Gapu ti nagsasaruno nga oil price adjustments, dumanonen iti pakabuklan a ₱46.27 kada litro a net increase iti presio ti gasolina, ₱39.75 kada litro ti diesel, ken ₱36.62 kada litro ti kerosene iti panagrugi ti tawen agingga idi Hulio 14, 2026.###