Makipamaysa iti transport group a MANIBELA kadagiti tignay-protesta a maisayangkat inton Lunes kagiddan ti State of the Nation Address (SONA) ni Presidente Ferdinand Marcos Jr., segun kenni MANIBELA chairman Mar Valbuena.
Kenunana a rinibo a miembro ti grupo iti makipaset iti protest tapno ipaganetget iti panawagan ti sektor kontra iti agtultuloy a panagngato ti presio ti produkto a petrolio, kasaruno ti naipatungpal a nasurok ₱10 kada litro a kanayunan iti presio ti diesel ita a lawas.
Nagpakdaar met ni Valbuena a posible a mangisayangkat manen ti transport strike no agtultuloy iti bigtime oil price hike, gapu ta agdandanag iti grupo a mabalin a dumanon ti ₱100 tunggal litro iti presio ti diesel.
Immunan nga inbaga ti Department of Energy (DOE) nga iti panagngato ti presio ti langis ket gapu ti panaggaraw ti sangalubongan a merkado ken mangipatpatungpal iti gobierno dagiti addang tapno maliklikan iti epekto daytoy kadagiti apektado a sektor.###
