Insayangkat ti Rosario District Hospital (RDH) iti First Friday Mass and Sacrament of the Anointing of the Sick idi Hulio 3 tapno mataming saan laeng a iti pisikal no di pay naespirituan a kasapulan dagiti pasiente.
Indauluan ni Rev. Manuel Jayson Ragil iti panangbendesion dagiti masakit, a tinabunuan dagiti empleado ti ospital, pasyente, ken tagabantay dagitoy.
Segun ti RDH, panggep ti programa ti mangpapigsa iti pammati ken mangyeg iti naespirituan a pannakaagas ken namnama kadagiti pasiente.
Paset pay daytoy iti agtultuloy nga adbokasia ti ospital, babaen ti panangidaulo ni Dr. Michelle Arellano, tapno maitandudo ti holistic care kadagiti pasiente ken iti komunidad.
Courtesy: Provincial Government of La Union (PGLU)
