Limapulo a kameng ti Barangay Peacekeeping Action Team (BPAT) manipud iti nagduduma a barangay idiay Sudipen, La Union iti nagpasidong ti tallo nga aldaw a Capacity Building Training tapno ad-adda a mapatibker iti kabaelanda a mangtaginayon iti urnos, panagresponde kadagiti didigra, ken panagresponde kadagiti emerhensia.
Naisayangkat ti panagsanay iti MAOB Hall manipud Hulio 7 agingga 9 babaen ti panangidaulo ti lokal a gobierno.
Napagsasaritaan iti programa ti pannakaipatungpal ti linteg, panangsungbat iti didigra, panangrisut iti susik, ken panangsalaknib iti aglawlaw.
Nagbinglay met ti pannakaammo dagiti pannakabagi ti Sudipen Police Station, Bureau of Fire Protection, Municipal Disaster Risk Reduction and Management Office, Municipal Health Office, ken Philippine Coast Guard, babaen iti suporta ti Sangguniang Bayan Committee on Peace and Order Chairperson Hon. Jose Dingayan.
Panggep ti panagsanay nga ad-adda a maisagana dagiti BPAT kas partners ti komunidad kabayatan iti panawen ti peggad ken dadduma pay nga emerhensia.###
