Impasigurado ti International Criminal Court (ICC) a saan a maapektaran iti panagtultuloy dagiti kaso iti laksid iti pannakaikkat ni Chief Prosecutor Karim Khan kalpasan nga inikkat isuna ti Assembly of States Parties gapu iti napaneknekan a serious misconduct at breach of duty.
Agtalinaed nga agtultuloy dagiti amin nga imbestigasion ken panagdingngeg nga idauluan dagiti deputy prosecutors bayat a madama ti proseso iti panagpili ti baro a chief prosecutor.
Segun ti ICC, bigbigen daytoy iti nagbalin a desision dagiti 82 manipud kadagiti 125 a miembro nga estado a nagbutos a pabor iti pannakaikkat ni Khan iti naisayangkat a secret ballot a naangay iti United Nations headquarters idiay New York.
Ni Khan, a temporario a limmangan iti trabaho idi Mayo 2025 kasaruno ti imbestigasion kadagiti alegasion ti sexual misconduct, ket nainget a pinaglibakan dagiti alegasion ken manamnama a karitenna iti nagbalin a desision.###
