Temporario nga insardeng ti Estados Unidos iti nagsasaruno nga airstrikes daytoy idiay Iran kalpasan ti dandani dua a lawas nga operasion, bayat a pagpanpanunutan ti administrasion ni US President Donald Trump iti sumaruno nga addang iti tengnga ti agtultuloy a negosasion iti Tehran.
Segun kadagiti report, nangipeksa da Vice President JD Vance ken Chairman of the Joint Chiefs of Staff Gen. Dan Caine ti panagbuteng iti posible a panagkaro ti gubat ken ti in-inut a pannakaibus iti suplay ti armas ti Estados Unidos no agtultuloy iti opensiba.
Nupay kenuna ti White House nga agtaltalinaed a silulukat dagiti amin a pagpilian maibusor iti Iran no agtultuloy ti pangtana iti Strait of Hormuz ken kadagiti kaalyado ti America, impaganetget daytoy a kaykayat pay laeng ni President Trump ti diplomatiko a solusion.
Iti agdama, saan a nalawag no temporario laeng iti panagsardeng dagiti airstrikes wenno no permanente a sumiasi iti Washington kadagiti nalawlawa nga operasion militar bayat nga agtultuloy ti saritaan ti kappia.###
