Nangiruar ni Senador Panfilo “Ping” Lacson ti kabaruan nga ebidensia mainaig ti maipagarup a double billing ken doble a koleksion kadagiti sumagmamano nga infrastructure projects idiay Taguig City, ken kenuna nga isubmitir na dagitoy iti Office of the Ombudsman wenno iruar iti panagdingngeg ti Senate Blue Ribbon Committee.
Segun kenni Lacson, karaman kadagiti natakuatan ti dua a nagduma a proyekto nga addaan ti nagsina a pondo, teknikal a panangiladawan, lokasion, ken contractor ngem maymaysa nga aldaw laeng iti nausar iti billing, karaman ti maysa nga slope protection project a maipagarop a nakaawat ti dua a nagsina a budget appropriation ken agpada a nabayadan.
Ikonkonektar ti senador dagiti findings kenni Senador Alan Peter Cayetano, nga inmunan a pinaglibakan dagiti alegasion ti ghost infrastructure projects idiay Taguig ken nagpanawagan nga imbestigaran met dagiti proyekto kadagiti dadduma pay a siyudad idiay Metro Manila.
Agtultuloy met ni Lacson a mangtiptipon dagiti testigo ken ebidensia tapno paneknekan iti maipagarup a korapsion ken pannakairaman dagiti responsable.
Awan pay ti sungbat ni Cayetano iti kauddian a waragawag ni Lacson.###
