Simple ngem natan-ok iti agbalin a tema ti panagdar-ay da Presidente Ferdinand Marcos Jr. ken First Lady Liza Araneta-Marcos iti maikalima nga State of the Nation Address ita nga aldaw, Hulio 27.
Segun kenni Deputy Social Secretary Dina Arroyo Tantoco, ad-adda a simple iti agbalin a kawes ti Presidente ken First Lady no idilig kadagiti immun-una a SONA kas maitunos iti tema a “simple but dignified” ita a tawen.
Isuot ti First Lady iti terno a dinisenio da Francis Libiran, Michael Leyva ken Paul Cabral, idinto a saan pay a naipakaammo iti publiko iti nagaramid ti barong ti Presidente.
Kenuna met ni Tantoco a naan-anay iti panagsagana ti Presidente iti panagbitlana, idinto a temporario nga ireprepresentar ti First Lady iti Chief Executive kadagiti sumagmamano nga opisial nga aktibidad tapno maikkan daytoy ti umdas a panawen nga agsagana.###
