Nagtestigo kas umuna a saksi ti House prosecution panel ni sigud a Land Bank of the Philippines (LBP) Shaw Boulevard Branch Manager Violeta Constantino iti panagtultuloy ti impeachment trial ni Bise Presidente Sara Duterte idi Mierkules, Hulio 29.
Simmango ni Constantino mainaig iti Article I ti impeachment complaint a mangtaltalantan iti biddut a panagusar ti ₱612.5 million confidential funds ti Office of the Vice President (OVP) ken Department of Education (DepEd).
Iti testimonya, pinasingkedan ni Constantino a personal na a minanehar iti panag-encash ti uppat a tseke nga aggatad ti sag-₱125 million, wenno pakabuklan a ₱500 million. Segun kenkuana, dagiti tseka ket nakapanagan iti OVP Special Disbursing Officer a ni Gina Acosta ken na-withdraw manipud Disyembre 2022 agingga Setyembre 2023.
Imbaga met ni Constantino iti Senate impeachment court a saan a kadawyan iti panag-withdraw ti ₱125 million tunggal transaction iti cash.
Indauluan ni Manila Representative ken House Prosecutor Joel Chua iti direct examination, bayat a kenuna met ti kampo ni Bise Presidente Sara Duterte babaen kenni Atty. Michael Poa, a saan dan nga ipasidong iti cross-examination iti saksi.
Iti panagtestigo ni Constantino ket paset ti maika-10 nga aldaw ti impeachment trial ni Bise Presidente Sara Duterte.###
