Target ti administrasion ni Presidente Ferdinand Marcos Jr. nga ingato iti 35% iti paset ti renewable energy iti suplay ti koriente ti pagilian inton 2030, ken 50% sakbay a malpas ti 2040.
Iti panagrambak ti maika-25 nga anibersario ti Electric Power Industry Reform Act (EPIRA), kenuna ti Presidente a 25% iti suplay ti koriente ditoy Pilipinas iti pagtataudan ti renewable energy sources kas iti solar, wind, hydro, ken geothermal.
Inaklon met ti Presidente nga agtaltalinaed a karit iti nangato a presio ti kuryente isu nga agtultuloy nga itantandudo ti gobierno dagiti reporma tapno agbalin a mapangnamnamaan, umdas, ken makabael iti serbisio ti kuryente iti pagilian.
Kabayatanna, nangipeksa ti kumpiyansa ni Energy Secretary Sharon Garin a madanon ti pagilian iti naituding a renewable energy targets babaen ti agtultuloy a panangipatungpal dagiti programa ti Department of Energy (DOE).###
