Agsango manen da Alexandra “Alex” Eala ti Pilipinas ken Leylah Fernandez ti Canada iti Round of 16 ti Mubadala DC Open kalpasan nga agpada a nagballigi iti opening-round matches.
Immabante ni Eala kalpasan a maabakna iti sigud a world No. 4 ken 2024 Paris Olympics gold medalist a ni Zheng Qinwe ti China, 4-6, 6-4, 6-1.
Kabayatanna, inabak met ni Fernandez ni Magda Linette ti Poland, 6-1, 6-4.
Daytoyen iti maikadua a gundaway nga agsango da Eala ken Fernandez ita a tawen. Idi Abril iti Stuttgart Open, nagballigi ti Canadian tennis star iti iskor a 6-1, 6-4.
Agdama nga adda iti No. 34 ti WTA rankings ni Fernandez, nga addan ti dara a Pilipino. Addaan isuna ti lima a WTA singles titles ken nadanon iti career-high ranking a No. 13 idi Agosto 2022, karaman ti kadakkelan a balligi iti panagserrek iti finals ti 2021 US Open ken quarterfinals ti 2022 French Open.###
