Pimmusayen ti Oscar-winning Irish musician ken frontman ti rock band a The Frames, a ni Glen Hansard, iti edad a 56 kalpasan a mairaman iti maysa nga aksidente ti motorsiklo iti Lower Road idiay Lucan, West Dublin, Ireland, segun ti pamilya na.
Immuna a simmikat ni Hansard kas paset ti 1991 musical comedy film a The Commitments sakbay a nabigbig iti intero a lubong iti pelikula nga Once, a karaman nga insurat ken kinanta ti “Falling Slowly” a nagballigi ti Academy Award para iti Best Original Song idi 2008.
Nagpaut ti karera na iti musika ti nasurok tallo a dekada. Idi 2016, nominado met isuna iti Grammy Awards para ti Album of the Year iti album a Didn’t He Ramble.
Kabayatanna, naglayos iti pannakipagrikna manipud kadagiti personalidad iti industriya ti musika, karaman da Ed Sheeran, Bruce Springsteen ken Bono, a nangdayaw iti nagbalin a kontribusion ni Hansard iti musika ken iti panangbalin na a managparabur.###
