Inyusuat ti Bangko Sentral ng Pilipinas (BSP) ken Philippine Payments Management Inc. (PPMI) dagiti tallo a baro nga interoperable digital payment services — InstaPay Cash-In, InstaPay for Business, ken Direct Debit PH — tapno mapapartak iti panangiyakar ti kuarta, panagbayad dagiti paulit-ulit a babayadan, ken dakdakkel a transaksion dagiti negosyo.
Segun kenni BSP Governor Eli Remolona Jr., panggep dagiti baro a serbisio a palawaen ti financial inclusion babaen ti nasaysayaat nga interoperability ken nababbaba a transaction fees, tapno ad-ado a Pilipino iti makausar ti digital payments.
Papartaken ti InstaPay Cash-In iti panangiyalis ti pondo babaen ti bukod a bank account ken e-wallet, bayat nga inngato met ti InstaPay for Business ti ₱500,000 tunggal transaksion iti limit para iti real-time fund transfers dagiti negosio.
Kabayatanna, pinalubusan ti Direct Debit PH iti automatiko a panagbayad dagiti recurring bills kas iti danom, loan payments, insurance premiums ken subscriptions nga awanan bayad kadagiti consumer.
Kenuna met ni BSP Deputy Governor Mamerto Tangonan a manamnama a makatulong dagiti baro a serbisio tapno madanon, wenno maartapan pay iti target ti Philippine Development Plan a 60 agingga 70 porsiento ti retail transactions iti pagilian kasta met ti digital apaman a dumteng ti tawen 2028.###
