Nakitaripnong ni Egyptian Foreign Minister Badr Abdelatty kenni US Special Envoy to the Middle East Steve Witkoff tapno talantanen iti kumarkaro a tension idiay Middle East ken dagiti addang tapno maibaba iti tension iti rehion.
Segun kenni Abdelatty, napateg a raemen dagiti dua a dasig dagiti prinsipio ti nasaayat a pannakinnarruba, international law, soberania, panagkaykaysa ken territorial integrity ti tunggal estado kas tulbek iti panagsubli ti kinatibker iti rehion.
Kasaruno daytoy ti insidente a nauram ti U.S.-owned gas storage tanker iti sangladan ti Damietta idiay Egypt.
Nupay inpadamag dagiti sumagmamano a maritime security firms a posible a mangigubuay daytoy ti drone strike, saan pay a pinasingkedan ti Egyptian government iti rason ti uram, ken awan met iti nailista a natay wenno nadangran iti insidente.###
