Imbida ni La Union Governor Mario Eduardo C. Ortega iti panangpalawa dagiti serbisyo pangsalun-at, edukasion ken social welfare kabayatan ti State of the Province Address (SOPA) idi Hulyo 28, 2026 iti Speaker Pro Tempore Francisco I. Ortega Convention Center idiay Barangay Sevilla, City of San Fernando, La Union.
Segun ti gobernador, nasurok 190,000 a pasiente iti naipaayan ti serbiyo a medikal kadagiti district hospitals ti probinsia bayat a napasayaat met dagiti pasilidad, pharmacy services, ken nanayunan ti pito a patient transport vehicles manipud iti PAGCOR ken Philippine Charity Sweepstakes Office (PCSO).
Nakaipaay iti gobierno-probinsial ti ₱64.8 milyong financial assistance kadagiti nasurok 13,000 a benepisyario iti tulong ti Department of Social Welfare and Development (DSWD), bayat a nasurok ₱14.6 million iti naipaima kadagiti nasurok 1,400 senior citizens nga agtawen ti 80 agpangato.
Malaksid ditoy, nasurok 4,000 ng scholars iti nagnumar iti Provincial Youth, Employment, Sports and Development Office (PYESDO) ken Youth Center, bayat a ₱11 million iti naitukon iti Brigada Eskwela para kadagiti 465 pagadalan iti probinsia.###
