Nagballigi ti PCLU Robotics Elite Team kalpasan a napangabakan da ti First Prize iti agpada a Junior High School (JHS) ken Senior High School (SHS) divisions, karaman ti Best Performance Award, iti Global Artificial Intelligence Robot (GAR) 2026 Asian Open Contest idiay Macau idi Hulyo 24-28, 2026.
Nakaiyawid iti grupo ti pakabuklan a tallo a tropeo ken uppat a medalya kalpasan a maartapan da dagiti 14 a koponan manipud ti Hong Kong, Macau, China, Kazakhstan, ken Pilipinas.
Iti Junior High School Division, nagun-od da Euna Krystle T. Taniza ken Arien Zaccheu Ammir D. Presto iti First Prize, bayat nga isuda Crystal Mae G. Laroco ken Dashiel Yvonne T. Garcia iti nagballigi iti Senior High School Division.
Napadayawan ti koponan kas Best Performance Awardee gapu iti impakita da a naisangsangayan a kinalaing iti kompetision.
Malaksid ti panagballigi iti robotics, nabigbig met da Laroco, Garcia, ken Taniza kas Top 3 Most Congenial Delegates iti cultural exchange program ti kompetision.
Kabayatanna, nabigbig ni Laroco ti Outstanding Host Volunteer Award, kadua dagiti sertipiko ken opisial a LEGO sets kas pammigbig iti sportsmanship ken pannakilangen kadagiti dadduma pay a delegado.
