Mabalin a makissayan iti bilang dagiti testigo nga iparang ti House prosecution iti impeachment trial ni Bise Presidente Sara Duterte no umdasen dagiti naiparang nga ebidensia a mangpatibker dagiti artikulo ti impeachment.
Segun kenni House Prosecutor ken Manila Rep. Joel Chua, panggep daytoy a mapapartak iti pannakausig ken maliklikan dagiti saan a kasapulan a panagdingeg.
Kenunana a saanen a kasapulan nga iparang amin dagiti nailista a testigo no natibkeren iti naiparang nga ebidensia.
Para iti Article I a maipanggep naipapan ti maipagarup a biddut a pannakausar ti confidential funds ti Office of the Vice President ken Department of Education, adda dagiti 13 a testigo iti nakasagana a testigo ti prosekusion, ngem mabalin a maksayan daytoy iti walo wenno siam no umdasen dagiti testimoniada.
Namnamaen met a sumango iti Senado iti sumaruno a lawas dagiti state auditor a nangsukimat iti pannakausar ti ₱612.5 million confidential funds ti OVP ken DepEd idi 2022 ken 2023.###
