Nasuspende iti finals ti Mubadala DC Open iti nagbaetan ni Filipina tennis star Alex Eala ken world No. 3 Jessica Pegula kalpasan a maitantan ti dandani tallo nga oras iti panagrugi ti laban gapu iti napigsa a panagtudo ken panagkimat idiay Washington, D.C.
Idi naituloy iti ay-ayam, naala ni Pegula iti umuna a set, iti iskor a 6-5. Lamang met ni Eala iti maikadua a set iti iskor a 2-1 idi nasuspende manen daytoy gapu ti lightning delay.
Segun kadagiti tournament organizers, maituloy laeng iti laban no natalgeden iti kondision ti panawen.
Tarigagay ni Eala a maiyawid iti kaunaan a WTA 500 singles title kalpasan ti naisangsangayan a kampanya na iti torneo.
Sakbay a dimmanon iti finals, inabak na iti sigud a world No. 1 a ni Naomi Osaka iti semifinals iti iskor a 6-4, 6-2 tapno mailista iti umuna a panagserrek na iti maysa a WTA 500 championship match.###
