Saan a bumaba ti pito a tattao, pakairamananen dagiti tallo nga ubbing, ti natay, kalpasan a tirwan iti drone strike ti maysa a kosta wenno beach idiay Arkhipo-Osipovka, Krasnodar region, Abagatan ti Russia.
Segun kadagiti otoridad, 40 pay dagiti nadundunor, nu sadinno ket 17 ti naitaray iti ospital.
Inakusaran ti Gobernador iti Krasnodar ti Ukraine iti “deliberate strike on civilians,” ngem awan pay iti kumpirmasyon manipud Kyiv seknan ti insidente.
Saan pay a nalawag nu anya a talaga ti pudno a target ti drone strike. Maibasar kadagiti dadduma a teorya ket aksidente laeng a naiturong daitoy iti lugar kasaruno iti electronic jamming wenno natirwan iti air defense ti Russia.
Segun kadagiti testigo, awan iti nangngegan da a sirena sakbay iti panagbettak. Naglemmeng met iti dadduma ti likod dagiti beach chairs, bayat kinuna ti sabali a nakangngeg da kadagiti nagsasaruno a napipigsa a panagbettak.
Iti agdama ket agtultuloy latta iti sinnukat kadagiti long-range attacks ti Russia ken Ukraine gapo iti gyera.
Pinalawa metten iti Ukraine dagiti panagraut da iti uneg ti teritoryo ti Russia, a mapapati a nakapamaysa kadagiti imprastraktura ken pasilidad a mainaig ti operasyon-militar.
