Pinasingkedan ti Department of Education (DepEd) a 2,424 classrooms iti nadadael gapu ti panagduprak ti bagyo Maymay ken ti Southwest Monsoon.
Maibasar iti datos ti Disaster Risk Reduction and Management Service ti DepEd, 403 classroom iti naan-anay a nadadael, 500 dagiti nakaro a nadadael, ken 1,516 dagiti partially damaged. Nailista dagitoy iti Ilocos Region, Cordillera Administrative Region, ken Central Luzon.
Nadadael met dagiti tugaw, information and communications technology equipment ken learning materials, a nakaapektar iti panangisayangkat ti klase kadagiti apektado a lugar.
Segun ti DepEd DRRMS, agkasapulan ti nasurok ₱74 million para iti panangurnos kadagiti 1,516 classrooms a nagpasar ti partially damaged.
Kas sungbat, kenuna ni Education Secretary Sonny Angara nga iyusuat ti DepEd, kadua ti Department of Labor and Employment (DOLE), iti 2026 Tulong Panghanapbuhay sa Ating Disadvantaged Workers-Brigada Eskwela kas immediate disaster cleanup mechanism para iti panangurnos dagiti naapektaran a sild-pagadalan.
Kabayatanna, nasuspendir ita nga aldaw dagiti klase kadagiti sumagmamano a lugar iti pagilian gapu ti kellaat ken napipigsa a panagtudo nga ingubuay ti panaglayos.###
