Nakatuding a mangiruar ti desision iti Senate Impeachment Court mainaig iti kontobersiya ti “misleading questions” a timpuar iti maika-15 nga impeachment trial ni Bise Presidente Sara Duterte.
Iti panagtutuloy ti panagusig ita a Lunes, Agosto 17, saan pay laeng a pinagbigyan ni Trial Presiding Officer Francis “Chiz” Escudero ni House Prosecutor Atty. Amando Virgil Ligutan a mangited ti manifestation mainaig ti social media post daytoy maipapan iti isyu, ken imbaga a maikkan isuna ti gundaway nga agsao iti umno nga oras.
Kiniddaw ni House Prosecutor Joel Chua a mangiparang ti manifestation ni Ligutan kalpasan iti post na a mangibagbaga a saan a mapalubusan dagiti misleading questions uray iti cross-examination.
Nagbalin a saritaan daytoy kalpasan a kinuestion ni prosecution counsel Atty. Lorna Kapunan dagiti damag ni defense counsel Atty. Kristine Ferrer kenni COA auditor Xylene Mae Del Campo ken naibilang dagitoy kas misleading. Simmungbat ni Ferrer a mapalpalubusan dagiti nasao a damag iti cross-examination.
Idi agangay, kenuna ni Lead Defense Counsel Atty. Sheila Sison a makapadanag iti post ni Ligutan ken impaganetget a saan met nga ibagbaga ni Ferrer a mapalpalubusan dagiti misleading questions. Segun kenni Sison, iti dakdakamaten ni Ferrer ket leading questions wenno dagiti damag a kadawyan a mangirekrekomenda ti sungbat.###
