Inallukoy ni U.S. President Donald Trump iti Iran a sumuko tapno aggibos iti agtultuloy a gubat iti nagbaetan ti Washington ken Tehran.
Iti maysa nga interbiu, kenuna ni Trump a rumbeng nga ingato ti Iran iti “white flag of surrender,” bayat a napaay dagiti negosasion para iti maysa a napaut a katulagan.
Narakrak iti 60 nga aldaw a katulagan pangkappia a nabukel idi Hunyo kalpasan nga indeklara ti nagsinnungbangir a dasig a nalpasen daytoy idiay Hunyo.
Nagballaag met ni Trump iti Oman ti posible nga opensiba ti militar no lapdan daytoy dagiti addang ti Amerika, bayat nga agtultuloy iti saritaan iti panaglukat ti commercial shipping iti Strait of Hormuz.
Impaganetget ti U.S. President a kangrunaan a panggep ti administrasion na a lapdan iti Iran a maaddaan ti nuclear weapon, ken saan a makaapektar dagiti desision na iti masungad a midterm elections.
