Balligi a naikkat dagiti doktor iti maysa nga ospital idiay Trincomalee, Sri Lanka, iti 3.1-kilogram a bladder stone manipud iti 55-anyos a lalaki.
Na-admit iti pasiente kalpasan a ma-stroke ken sadiay a nadiskubre iti dakkel a bato iti urinary bladder na kalpasan a marigatan nga umisbo.
Agarup 17 a sentimetro iti kaatiddog ti bladder stone ken nailadawan a dandani kadakdakkel ti itlog ti ostrich ken kadagdagsen ti maysa a maladaga.
Segun kenni Dr. Prahalahan Balakrishnan, mabalin a lima agingga 10 a tawenen nga adda iti pantog ti pasiente iti bato.
Addan iti nasayaat a kasasaad iti pasyente kalpasan iti operasion ken agtultuloy a maag-agasan para kadagiti dadduma a kondision na.
Mabukbukel iti bladder stone no nagbalin a kristal ken naurnong dagiti mineral iti isbo, kangrunaan no saan a naan-anay a naibos iti karga ti pantog.
Kabayatanna, segun ti Guinness World Records, iti agdama a nakalista a kadakkelan a bladder stone ket 1.9 kilo ken addaan ti kaatiddog a 17.9 sentimetro, a naikkat iti maysa a pasiente idiay Brazil idi 2023.###
